Mae Mawrth Vallis yn llecyn ar Fawrth sydd wedi cyfareddu gwyddonwyr oherwydd y cleiau a’r mwynau hydradol eraill a ganfyddir o orbit.

Yn y ddelwedd hon, mae’n debyg mai tywodydd a cherrig basaltaidd yw’r lliwiau du cyfoethedig, tra bod y lliwiau gwyrdd, melyn a glas yn cyfateb i'r gwahanol fwynau hydradol.

Tynnwyd y ddelwedd benodol hon o leoliad ym Mawrth Vallis sydd â mwyn o’r enw jarosit. Ar y Ddaear mae jarosit yn ffurfio dan amodau gwlyb, asidig, sy’n ocsideiddio. Mae jarosit i'w weld hefyd mewn fan arall ar Fawrth lle glaniodd y crwydryn Opportunity a fforio.

Cyfieithiad: Rachel Holden