Dyma ddelwedd gan HiRISE o laniwr InSight NASA, ynghyd â darnau eraill o galedwedd, ar Fawrth ar ôl iddo lanio’n llwyddiannus ar 26 Tachwedd 2018.
Yn ôl pob golwg mae tu allan tywyll y darian wres (de uchaf) yn wynebu am i lawr, gan ei bod mor lachar (dwys, sy’n adlewyrchiad gloyw yn fwy na thebyg). Aflonyddodd y glaniwr (canol) ar lwch dros gryn bellter gan dywyllu’r arwyneb, fel y gwelwyd o’r blaen yn safleoedd glanio Phoenix a Curiosity. Mae’n debyg mai adlewyrchiad gloyw arall yw’r smotyn llachar sy’n gysylltiedig âr glaniwr, ac mae dau estyniad glasaidd llai o faint sy’n araeau solar, ynghyd âu cysgodion.
Mae’n bosibl bod gan y plisgyn cefn sydd ynghlwm wrth y parasiwt (chwith isaf) adlewyrchiad gloyw arall eto; mae’n debyg bod y llafn i’r de ymhell tu hwnt i’r parasiwt yn llwybr cythraul llwch a fodolai cyn hyn. Mae’r glaniwr yn rhyw 6 metr o led pan gaiff yr araeau solar eu hestyn yn llawn.
