Efnið á botni þessa gígs virðist hafa runnið eins og ís og inniheldur dældir sem gætu verið af völdum þurrgufunar íss undir yfirborðinu. Yfirborðið er algerlega þakið ryki í dag. Hugsanlega var ís hér á einhverjum tímapunkti í fortíðinni en gæti hann verið enn til staðar á nokkru dýpi?

Gígurinn er á 26 breiddargráðu norður og nálægt yfirborðinu á þessum slóðum gæti ísinn verið dýrmæt auðlind fyrir mannaða leiðangra í framtíðinni. Í framtíðinni gæti gervitungl á braut um Mars notað sérstaka ratsjá til að svara spurningunni hvort hér leynist ís.

Þýðing: Sævar Helgi Bragason