Hér sést lítið sandöldusvæði á botni hins um það bil 300 km breiða Newton-gígs á suðurheli Mars.

Á myndinni sjást bæði bungu- og hófskaflar. Báðar þessar tegundir finnast líka víða á Jörðinni. Hófskaflar eru sérstaklega algengir á Jörðinni og eru venjulega sigðarlaga með brött skiðhorn og horn eða vinkla sem stefna undan vindi. Hófskaflar myndast þar sem vindátt er stöðug og eru því góðir mælikvarðar á ríkjandi vindáttir.

Í þessu tilviki eru horn hófskaflanna ekki ýkja áberandi en virðast benda til þess, að öflugustu vindarnir blási um það bil frá suðvestri til norðvesturs. Taktu eftir mynstrinu sem skaflarnir mynda í kringum ljósleita rák undan vindi, fyrir aftan gíginn á miðri mynd.

Þýðing: Sævar Helgi Bragason