Á þessari HiRISE ljósmynd sést svokallaður stallagígur, vegna þess að landslagið næst gígnum liggur örlítið hærra miðað við landslagið í kring.

Upphleypta yfirborðið hefur samskonar áferð og mynstur og til verða við efnisslettur, þegar efni kastaðist út úr gígnum við áreksturinn. Sennilega varð áreksturinn á tíma þegar svæðið allt var jafnhátt og upphleypta yfirborðið er í dag og lenti efnisslettan næst gígnum á því. Rof fjarlægði síðan efni af svæðinu á meðan efnisslettan varði svæðið í kringum gíginn gegn frekara rofi og hélt því háu.

Rofan eða „horfna“ landslagið á svæðinu gæti hafa innihaldið ís. Sepalaga mynstur við jaðar upphleyptu efnisslettanna og tíglar á yfirborðinu benda bæði til þess að stallaefnið gæti hafa og gæti enn innihaldið ís. Efnisslettumynstrið er ósamhverft í kringum gíginn sem bendir til þess að fyrirbærið sem olli árekstrinum hafi hugsanlega komið úr norðausturátt.

Þýðing: Sævar Helgi Bragason