Þessi litmynd sýnir landslagið í kringum lendingarstað jeppans í Gale gígnum á Mars. Litirnir hafa verið ýktir til að draga fram fleiri blæbrigði en eins og sjá má er lendingarstaðurinn ekki eins litríkur og svæðin í suðri, nærri Sharp-fjalli, sem Curioisty mun að lokum rannsaka. Í raun og veru er blái liturinn grárri.

Sjálfur jeppinn er hringlaga fyrirbærið í miðju bláleitu bremsufarinu eftir eldflaugakranann.

Á neðri hluta myndarinnar sjást dökku sandöldurnar sem liggja milli jeppans og Sharp-fjalls. Sharp-fjall er fyrir utan myndina, fyrir neðan rammann. Jeppinn er tæplega 300 metra frá neðri mörkum myndarinnar.

Myndin var tekin sex dögum eftir lendingu Curiosity. Horft er í vesturátt frá 30 gráðu horni. Eftir fimm daga verður önnur mynd tekin nánast úr hvirfilpunkti og verður þá hægt að skoða svæðið í þrívídd.

Upplausnin á þessari mynd er um 62 sentímetrar á myndeiningu.

Hér sést svo enn önnur litmynd af Curiosity. Aftur hafa litirnir verið ýktir lítillega til að draga fram hárfínar litabreytingar í kringum jeppann sem rekja má til ólíkra efna á yfirborðinu.

Bláleitt bremsufarið eftir eldflaugakranann sést greinileg í kringum jeppann (raunverulegur litur er mun grárri).

Fjallið í miðju gígsins, kallað Sharp-fjall, er fyrir utan myndarammann í suðaustri. Norður snýr upp.

Myndin var tekin frá 30 gráðu horni og er horft í vesturátt. Eftir fimm daga

Horft er í vesturátt frá 30 gráðu horni. Eftir fimm daga verður önnur mynd tekin nánast úr hvirfilpunkti og verður þá hægt að skoða svæðið í þrívídd.

Upplausn myndarinnar er um 31 centímetri á myndeiningu.

Þýðing: Sævar Helgi Bragason