Þótt myndin sem hér sést hafi verið tekin síðla vors, sést að koldíoxíðhrím þekur enn stóran hluta yfirborðsins á svæðinu sem er á hárri breiddargráðu á Mars. Enn er nístingskuldi, mínus 128 gráður á Celsíus.

Frosttiglarnir á yfirborðinu hafa veðrast og merki um þá afmást að einhverju leyti þegar sólarljósið breytir koldíoxíðinu í gas við þurrgufun. Stærri lægðir á myndinni gera tiglana meira áberandi en mjórri sprungur sýna hvar rof hefur átt sér stað þegar koldíoxíðgas losnaði undan íslagi og bar með sér fínni efni til yfirborðsins.

Dökkleitu keilurnar á myndinni eru úr örsmáum ögnum sem sest hafa ofan á árstíðabundna íslagið. Keilurnar má rekja til sprunga og veikleika i ísnum sem gerir gasi kleyft að losna. Efnið legst niður á yfirborðið eftir vindáttinni sem ríkti þegar gasið losnaði.

Þýðing: Sævar Helgi Bragason

númer: ESP_039633_0950
dagsetning myndatöku: 09. janúar 2015
hæð yfir sjávarmáli: 246 km

https://uahirise.org/hipod/is/ESP_039633_0950
NASA/JPL-Caltech/University of Arizona
#Mars #NASA #Icelandic #íslenska