Hést sjást ljósar og dökkar hlíðarrákir í gígum á Arabia Terra svæðinu.

Rákir af þessu tagi eru meðal nokkurra landslagsfyrirbæra sem eru virk í dag á Mars. Menn greinir á um hvernig þær myndast en stungið hefur verið upp á bæði þurrum og blautum ferlum til að skýra myndun þeirra. Alla jafna telja menn að þær myndist við tilfærslu mjög þurrs sans eða mjög fínkornótts ryks sem hegðar sér næstum eins og vökvi (svipað og snjóflóð á Jörðinni) og sviptir hulunni af dekkra efni undir.

Dekkstu hlíðarrákirnar eru yngstar og sést vel hvernig þær liggja þvers og kruss á eldri og ljósleitari rákum. Ljósleitari rákirnar eru taldar vera dökkar rákir sem hafi upplitast með tímanum þegar nýtt ryk lagðist yfir yfirborðið. Venjulega eru dökkar rákir mun algengari en ljósu rákirnar, þótt hér á þessu svæði virðist því þveröfugt farið, sér í lagi í tveimur litlum gígum sitthvoru megin við stærri gíginn á miðri mynd.

Þýðing: Sævar Helgi Bragason

númer: ESP_038044_1965
dagsetning myndatöku: 07. september 2014
hæð yfir sjávarmáli: 279 km

https://uahirise.org/hipod/is/ESP_038044_1965
NASA/JPL-Caltech/University of Arizona
#Mars #NASA #Icelandic #íslenska