Á þessari mynd sést áberandi lagskipt snið í bergi í efnishrauk í miðju Hebes Chasma.

Hnúðótta og rákótta efnið í miðju svæðisins gæti verið leifar skriðu sem afhjúpaði háu, bröttur hlíðarnar á myndinni, rétt fyrir utan myndina, vestan svæðisins. Miðja vegu upp hlíðina (og að einhverju leyti alla leið upp á topp) liggur röð ljósra og dökkleitra ráka á víxl sem liggja í austur-vestur stefnu yfir hryggina og lægðina í bergopnunni. Rétt fyrir neðan er dökkleitt efni að veðrast af hlíðinni, skríður niður og safnast í skriðusvuntu í rótum veggsins.

Lagskiptar bergopnur á borð við þessa eru sérstaklega gagnlegar til að finna út hvers konar jarðfræðileg ferli hafa mótað svæðið með tímanum. Skriðurnar og skriðusvunturnar segja til hvernig svæðið hefur veðrast nýlega, þar á meðal í dag.

Þýðing: Sævar Helgi Bragason



númer: ESP_036927_1790
dagsetning myndatöku: 12. júní 2014
hæð yfir sjávarmáli: 263 km

https://uahirise.org/hipod/is/ESP_036927_1790
NASA/JPL-Caltech/University of Arizona
#Mars #NASA #Icelandic #íslenska