Á þessari ljósmynd HiRISE sést dalur fullur af alls kyns línulegum hryggjum. Hryggir af þessu tagi eru oft kallaðir þverlægir fokhryggir (e. transverse aeolian ridges eða TAR) og koma í ýmsum formum. Hér liggja þeir hornrétt á dalinn vegna þess hvernig landslagið beinir vindi meðfram lægðinni.

Á þessum slóðum hafa aðrar myndanir orðið til á sumum þverlægu fokhryggjunum, sennilega litlar gárur. Algenger að sandöldur séu þaktar litlum gárum en stefna þeirra getur verið mismunandi vegna vinda sem blása í mismunandi áttir vegna stærri sandalda. Hér eru seinni myndanirnar með óvenju geislótt og samátta mynstur svo þverlægu fokhryggirnir minna á fjaðrir í útliti.

Þýðing: Sævar Helgi Bragason

númer: ESP_036485_1765
dagsetning myndatöku: 09. maí 2014
hæð yfir sjávarmáli: 265 km

https://uahirise.org/hipod/is/ESP_036485_1765
NASA/JPL-Caltech/University of Arizona
#Mars #NASA #Icelandic #íslenska