Þessi HiRISE mynd, sem er af austurhlíð í Tithonium Chasma, var tekin til að fylgja eftir eldri myndum frá Context Camera sem virtust sýna nokkur setlög með nærri jafna þykkt.

Setlögin eru dökku og ljósu rákirnar sem liggja skáhallt yfir miðja mynd. Á myndinni leiðir síðdegisbirtan frá sólinni í ljós fíngerða hryggi sem stefna í austur-vestur á austurhlíðinni. Dökku og ljósu rákirnar virðast sveigja til austurs (niður á við) yfir hryggina. Í augum jarðfræðings sýnir mynstur þessarar bergopnu, að gömlu setlögin halla minna en hlíðin sjálf gerir í dag. Frekari túlkun á myndinni gæti skorið úr um hvort í lögunum leynist upplýsingar um fornar loftslagsbreytingar á Mars.

Þýðing: Sævar Helgi Bragason

númer: ESP_034132_1750
dagsetning myndatöku: 07. nóvember 2013
hæð yfir sjávarmáli: 264 km

https://uahirise.org/hipod/is/ESP_034132_1750
NASA/JPL-Caltech/University of Arizona
#Mars #NASA #Icelandic #íslenska