Þótt MRO og HiRISE myndavélin hafi verið á braut um Mars í sjö ár eru þau enn að gera nýjar uppgötvanir. Ein þeirra er að margir sandskaflar og sandöldur færast, sumar allt að nokkra metra á ári.

Á myndinni sést sandöldusvæði í gíg á suðurhveli Mars. Svæðið var kannað með eins Mars-árs millibili, fyrst 2. september 2011 og svo aftur 11. júlí 2013 (eitt ár á Mars er 687 Jarðardagar). Með því að taka myndir á sama árstíma eru birtuskilyrðin eins, svo hægt er að tengja fínar breytingar á útliti svæðisins við raunverulega breytingu á yfirborðinu en ekki bjögun í myndinni.

Á myndunum tveimur er lítil bjögun (stafrænt hæðarlíkan myndi fjarlæga frekari bjögun). Hér beinum við sjónum okkar að norður- og suðurhluta tveggja aðlægra sandalda. Á hreyfimyndinni er færsla skaflanna og aldanna miðað við berg í nágrenninu og dökkar öldur augljós. Svo virðist sem öldurnar í syðri skaflinum færist í norðausturátt en þær á nyrðri skaflinum færast í vestur. Það bendir til þess að vindáttirnar á svæðinu sé flóknar. Stöðugu dökku öldurnar gætu verið úr stærri kornum en hinar og þar af leiðandi erfiðari að færa þær til.

Á flestum svæðum á Mars eru dökkleitir skaflar mun hreyfanlegri en ljósari. Þetta svæði er ólíkt og sýnir að áframhaldandi myndataka af yfirborði Mars skilar nýjum og óvæntum niðurstöðum og leiðir til endurskoðun hugmynda.

Þýðing: Sævar Helgi Bragason


númer: ESP_032616_1275
dagsetning myndatöku: 11. júlí 2013
hæð yfir sjávarmáli: 248 km

https://uahirise.org/hipod/is/ESP_032616_1275
NASA/JPL-Caltech/University of Arizona
#Mars #NASA #Icelandic #íslenska