Myndun „endurtekinna hlíðarráka“ er áhugavert ferli á Mars sem við erum rétt að byrja að rannsaka. Hér sést slíkt fyrirbæri í Palikir gígnum en við höfum áður tekið mynd af því.

Endurteknu hlíðarrákirnar birtast á vorin en dofna á veturna. Hugsanlega má rekja myndun þeirra til pækils (saltvatns) og vekur það upp áhugaverða möguleika á öðrum sambærilegum myndum. Myndin var tekin til að kanna þennan mögulega; að sjá hvort hægt væri að staðfesta endurteknar hlíðarrákir.

Þegar HiRISE ljósmyndar svæði aftur, reynum við að gæta þess að birtuskilyrði séu eins og áður svo auðveldara sé að greina mun, ef einhver er. Þessar myndir, auk þrívíddarmynda, hafa aukið skilning okkur á þessu landslagi til muna.

Þýðing: Sævar Helgi Bragason


númer: ESP_032562_1670
dagsetning myndatöku: 07. júlí 2013
hæð yfir sjávarmáli: 262 km

https://uahirise.org/hipod/is/ESP_032562_1670
NASA/JPL-Caltech/UArizona
#Mars #NASA #Icelandic #íslenska

twitter  •  tumblr