Á myndinni sjást margir grunnir, óreglulegir pyttir með upphleypta barma meðfram hryggjum og innan um aðrar landslagsgerðir. Hvernig urðu þessar einkennilegu myndanir tl?

Ein tilgáta er sú að þeir gætu hafa myndast þegar mjög hreinn ís á litlu dýpi gufaði upp, en það skýrir ekki hvers vegna barmarnir eru upphleyptir. Ekki getur verið um árekstragíga að ræða því stefnan er handahófskennd og mörkin óregluleg. Ekki er heldur um að ræða vindborið set því þarna eru margir hnullungar sem eru of stórir til að færast til í vindi. Ofan í pyttunum er yngra vindborið set og engin augljós tengsl við eldvirkni.

Sumir geta sér til um að eitt sinn hafi haf legið yfir þessu svæði — gæti það skýrt þessar myndanir á einhvern hátt? Forn jöklun er annar möguleiki, hugsanlega settist ísríkt set niður við hindranir sem urðu á vegi jökulsins. Fleiri myndir af svæðinu gætu hjálpað til við að leysa þessa ráðgátu.

Þýðing: Sævar Helgi Bragason


númer: ESP_031268_2115
dagsetning myndatöku: 28. mars 2013
hæð yfir sjávarmáli: 293 km

https://uahirise.org/hipod/is/ESP_031268_2115
NASA/JPL-Caltech/UArizona
#Mars #NASA #Icelandic #íslenska

twitter  •  tumblr