Á þessari mynd sést tiltölulega ósnortinn árekstrargígur. Á nærmyndinni sjást áberandi ljósar línur og blettir í brattri hlíð á norðurbarmi gígsins.

HiRISE tók mynd af þessum gíg fyrir 5 árum (2,6 Marsárum), í mars 2008, en þá sáust mynstrin ekki. Slitróttu ljósu blettirnir eru taldir hafa myndast þegar hnullungar skoppuðu í og rúlluðu niður hlíðina.

En hvaðan komu hnullungarnir? Hugsanlega brotnuðu þeir af bröttu klettaveggjunum í gígnum, þótt við sjáum reyndar engin ljós sár í veggjunum sem gæti bent á upprunann. Einnig er hugsanlegt að steinarnir hafi kastast hingað í kjölfar annars áreksturs í grenndinni.

Hvers vegna eru slóðirnar svona ljósar? Hugsanlega er jarðvegurinn hér undir almennt ljósari en rykið ofan á, eins og Spirit jeppinn fann út í Gusev gígnum. Ekki getur verið um ís að ræða því þessi hlið gígsins snýr í átt að miðbaug svo hér er hlýtt á sumrin.

Þýðing: Sævar Helgi Bragason

númer: ESP_031103_1405
dagsetning myndatöku: 16. mars 2013
hæð yfir sjávarmáli: 252 km

https://uahirise.org/hipod/is/ESP_031103_1405
NASA/JPL-Caltech/University of Arizona
#Mars #NASA #Icelandic #íslenska