Þótt lofthjúpur Mars sé örþunnur er vindurinn engu að síður nógu kröftugur til að færa til sandöldur og gárur (nefnd einu nafni botngerðir). Slíkar breytingar hafa komið fram á myndum HiRISE. Rannsóknahópur okkar fylgist náið með svæðum þar sem botngerðir eru til að kanna hvort þær hreyfist til.

Á þessari mynd sést eitt þessara svæða, Aureum Chaos. Aureum Chaos er óreiðusvæði þar sem stórir landslagsklumpar hafa sundrast vegna einhverra ævafornra ferla. Venjulega sjást lagskipt berglög í klumpunum sjálfum en á milli þeirra getur sand fest. Bæði fyrirbæri sjást á myndinni.

Í bráðabirgðasamanburði við aðra mynd, sem tekin var fyrir tveimur Marsárum, höfðu engar augljósar breytingar orðið sandöldunum og gárunum en þörf er á ítarlegri greiningu. Engu að síður eru ótal jarðfræðileg smáatriði á myndinni. Ef við þysjum inn að einu svæðanna sést aragrúi lítilla gára á neðri hægri helmingi myndarinnar. Á veggnum frá miðju og upp hægra megin, sjást tveir litir í berginu: Efri einingin er gulleit en sú neðri ljósleit. Líklega vísa litirnir til mismunandi berglaga sem urðu til áður en Aureum Chaos myndaðist.

Þýðing: Sævar Helgi Bragason

númer: ESP_030675_1765
dagsetning myndatöku: 10. febrúar 2013
hæð yfir sjávarmáli: 268 km

https://uahirise.org/hipod/is/ESP_030675_1765
NASA/JPL-Caltech/University of Arizona
#Mars #NASA #Icelandic #íslenska