Á þessari mynd sést lægð í Noctis Labyrinthus frá brún til brúnar. Noctis Labyrinthus er völundarhús dælda og lægða í fremsta hluta Valles Marineris, stærsta gljúfurs í sólkerfinu.

Öll þessi landslagseinkenni benda til þess að skorpan á Mars hafi rifnað í sundur og opnað dýpri innviði Mars. Lægðirnar eru líka staðir þar sem set af ýmsum toga safnast saman. Þegar við komum auga á sérkennileg fyrirbæri á botni einnar lægðar er erfitt að segja til hvort það sé dýpri opna eða eitthvað tiltölulega ungt sem hefur sest þar fyrir.

Litirnir á hluta myndarinnar benda til þess að efnið á botni þessarar tilteknu lægðar sé ólíkt því sem sjá má í veggjum hennar.

Þýðing: Sævar Helgi Bragason

númer: ESP_028410_1710
dagsetning myndatöku: 18. ágúst 2012
hæð yfir sjávarmáli: 254 km

https://uahirise.org/hipod/is/ESP_028410_1710
NASA/JPL-Caltech/UArizona
#Mars #NASA #Icelandic #íslenska

twitter  •  tumblr