Það sem einkennir þessa mynd er mynstur af löngum hryggjum og skorningum sem hlykkjast og sveigjast. Hér eins og víða annars staðar á Mars fyllir þetta landslag dalbotn enda er þetta oft kallað “línulegar setmyndanir í dölum”.

Þar sem þetta fyrirbæri finnst aðeins í dölum á milli þrítugustu og sextugustu gráðu bæði norðlægrar og suðlægrar breiddar, þá hefur vísindamenn lengi grunað að þetta hafi myndast fyrir langa löngu við ákveðnar veðurfarslegar aðstæður á þessum breiddargráðum. Með því að nota radarmælingar til að “gægjast” undir yfirborðið þá hallast vísindamenn nú helst að því að þessar línulegu setmyndanir séu bara þunnt lag af urð ofan á jökulís. Þessir hryggir og skorningar úr grjóti hafa þá myndast fyrir löngu vegna hreyfinga jökulsins sem undir er.

Þýðing: Kári Indriðason


númer: ESP_026414_2205
dagsetning myndatöku: 15. mars 2012
hæð yfir sjávarmáli: 297 km

https://uahirise.org/hipod/is/ESP_026414_2205
NASA/JPL-Caltech/University of Arizona
#Mars #NASA #Icelandic #íslenska