Neðarlega á þessari mynd sjást drangar sem virðast dreifa dökku efni yfir sandöldusvæði en það bendir til þess að drangarnir séu uppspretta sandaldanna.

Sandöldurnar, drangarnir og hnullungarnir eru að hluta til úr ólivíni (samkvæmt gögnum frá CRISM), algengri steind í storkubergi og rennir það stoðum undir þá tilgátu að sanöldurnar eigi sér staðbundinn uppruna.

Ólivín veðrast auðveldlega við ferli sem tengjast vatni og bendir það til þess að sanöldurnar og bergbrotin hafi orðið til í kjölfar slíkra ferla. Athyglisvert er að leirsteindir (kallaðar blaðsilíköt) sjást hærra í hömrunum sem bendir til að vatnsveðrunin hafi orðið í fjarlægri fortíð.

Þýðing: Sævar Helgi Bragason


númer: ESP_023806_1645
dagsetning myndatöku: 25. ágúst 2011
hæð yfir sjávarmáli: 262 km

https://uahirise.org/hipod/is/ESP_023806_1645
NASA/JPL-Caltech/University of Arizona
#Mars #NASA #Icelandic #íslenska