Á hitabeltissvæðum Mars finnast litlir, ljósleitir sandskaflar sem vindurinn hefur mótað með einhverjum hætti. Þessir „þverlægu vindhryggir“ eru allt að 6 metra háir og skilja nokkrir tugir metra á milli þeirra. Venjulega liggja sandhryggir af þessu tagi þvert á ríkjandi vindáttir og finnast gjarnan í farvegum og á gígbotnum.

Ferlið sem myndaði þessa sandhryggi er enn óþekkt. Í flestum þverlægum vindhryggjum sjást engin merki um innri byggingu, svo erfitt er að finna út nákvæmlega hvernig þeir urðu til.

Ein hugsanleg túlkun á þessari sérkennilegu lagskiptingu er að þessir tilteknu þverlægu vindhryggir séu fleygarlaga, eins og sjá má á skýringarmynd af þverskurði sem sýnir hugsanlega uppbyggingu þverlægs vindhryggjar. Sé þessi tilgáta rétt bendir það til þess að skaflarnir hafi vaxið lóðrétt með tímanum og að efni hafi safnast saman við kamba hryggjanna. Það bendir líka til þess að lagskiptu hliðarnar hafi beinst á upp í vindinn.

Þessi mynd gæti verið góð vísbending um myndun þverlægra vindhryggja annars staðar á Mars, hafi þeir svipaða innri byggingu, en sú bygging kemur ekki fram vegna þess að þeir eru úr einsleitum efnum og samlita.

Þýðing: Sævar Helgi Bragason


númer: ESP_020782_1610
dagsetning myndatöku: 01. janúar 2011
hæð yfir sjávarmáli: 259 km

https://uahirise.org/hipod/is/ESP_020782_1610
NASA/JPL-Caltech/UArizona
#Mars #NASA #Icelandic #íslenska

twitter  •  tumblr