HiPOD 20 Ionawr 2022
Clogwyni Rhewllyd a Cheudyllau Ardrawiad

Clogwyni Rhewllyd a Cheudyllau Ardrawiad
Rydym wedi dod i ddeall yn y blynyddoedd diwethaf bod gan ryw draean o Fawrth rew ychydig o dan yr wyneb. Mae llawer o geudyllau ardrawiad yn y lledredau canolig yn llawn deunydd llyfn sydd yn fwy na thebyg yn rhew wedi’i orchuddio gan ychydig o ddeunydd. Mae rhan o un o’r ceudyllau hyn i'w gweld yn nelwedd hon HiRISE ac mae ganddo nodwedd ddiddorol tua 250 metr (800 troedfedd) ar draws, ger canol y ddelwedd.

Bellach mae gan beth sy’n edrych petai wedi bod yn geudwll ardrawiad o bosibl ymyl syth gyda choglwyn serth ar ei ochr ddeheuol. Yn ôl pob golwg, mae’r glogwyn hon sy’n wynebu’r gogledd yn datguddio deunydd rhewllyd sy’n debyg i lechweddau eraill sy’n wynebu’r pegwn sy’n dangos rhew claddedig mewn mannau eraill ar y blaned. Mae’r clogwyni hyn yn rhoi golwg i ni o’r rhew claddedig yn y lleoliad hwnnw ac yn gallu helpu i ateb cwestiynau am gyflwr hinsawdd Mawrth adeg ffurfio’r rhew hwn.

Cyfieithiad: Rachel Holden

rhif: ESP_070939_2305
dyddiad caffael : 13 Medi 2021
uchder: 300 km

https://uahirise.org/hipod/cy/ESP_070939_2305
NASA/JPL-Caltech/UArizona
#Mars #NASA #Cymraeg #Cymru #Welsh

twitter  •  tumblr

Y du a gwyn yn llai na 5 cilomedr ar draws; llun lliw wedi’i wella yn llai na 1 cilomedr.