Gwaddodion haenog yw’r allwedd i bos hanes Mawrth. Maent yn dweud wrthym am yr amodau a fodolai adeg dyddodi’r gwaddodion, a sut y newidiant dros amser.

Dengys y ddelwedd hon fesa wedi’i erydu a wnaed o greigwely wedi’i haenu’n rhythmig sydd yn ôl pob golwg yn awgrymu dyddodi cylchol. Mae’r haenau’n cael eu pwysleisio gan ddyddodion tywod tywyll diweddar sydd wedi cronni ar feinciau’r gwaddodion mwy llachar. Ar ben y llwyfandir mae set o haenau iau sy’n ymddangos yn geinach ac yn llai talpiog na’r haenau hŷn islaw, gan awgrymu amgylchedd dyddodi gwahanol. Gwelir gwaddodion haenog tebyg mewn ceudyllau cyffiniol yn ne-orllewin Arabia Terra.

Cyfieithiad: Rachel Holden