Á þessu svæði við vesturbrún Milankovic-gígsins á Mars, er þykkt setlag sem hylur ísríkt lag. Ísinn er ekki augljós nema skoðuð sé litmynd.

Á rauðu-grænu-bláu myndunum, sem eru nálægar því sem mannsaugað greinir, lítur ísinn út fyrir að hvítur en umhverfið í kring ryðrautt. Ísinn er jafnvel augljósari á innrauðu-rauðu-bláu myndunum þar sem hann er áberandi blá-fjólublár á meðan umhverfið er gulgrátt.

Ísríka efnið sést best þegar hamraveggurinn snýr í austur-vestur og er í vari frá sólinni þegar hún gengur yfir suðurhimininn.

Þýðing: Sævar Helgi Bragason