Gígurinn á miðri mynd HiRISE skilgreinir núll-lengdarbaug á Mars, eins og Greenwich stjörnustöðin gerir á Jörðinni.

Upphaflega skilgreindi stóri gígurinn, sem kallast Airy gígurinn og sá litli situr innan í, núllbauginn á rauðu plánetunni. En þegar myndir í hærri upplausn fengust varð ljóst að smærra kennileiti þurfti. Gigurinn kallast Airy-0 og var hann valinn vegna þess að ekki þurfti að endurgera nein kort.

Þessi dægrin eru lengdargráður á Mars mældar með enn meiri nákvæmni með útvarpsrakningu á lendingarförum eins og InSight, en allt er enn skilgreint út frá því að núllbaugurinn sé í miðjum þessum gíg.

Þýðing: Sævar Helgi Bragason