Árekstragígar eru algengir alls staðar í sólkerfinu. Þeir gera vísindamönnum kleift að átta sig á sögu yfirborðs hnattar og þá einkum og sér í lagi aldur yfirborðsins, þróun og samsetningu.

Sem dæmi sýnir þessi mynd árekstragíg á suðausturhluta Ascraeus Mons, risaeldfjalls á Tharsis bungunni. Vísindaleg ástæða þess að myndin var tekin var að afla frekari upplýsinga um dýpt og stöðugleika gígveggsins svo við getum lært um eðli efnisins í hlíðum eldfjallsins.

Með því að rannsaka vandlega bergopnuna í gígvegnum getum við líka öðlast frekari þekkingu á því sem leynist undir.

Þýðing: Sævar Helgi Bragason