Giljadrög finnast jafnan í bröttum hlíðum. Á veturna er þetta svæði þakið þunnu lagi úr koldíoxíði sem oftast er kallað þurrís. Á vorin, þegar ísinn gufar upp, losnar efni í hlíðinni og giljadrag myndast.

Almennt séð virkar þetta ferli best ef um fíngert efni er að ræða og skilur eftir stóra hnullunga. Hnullungarnir sjást í þyrpingu í hvilftum giljadraganna. Stöku sinnum renna hnullungarnir til eða jafnvel niður hlíðina eins og sést á myndinni.

Þýðing: Sævar Helgi Bragason