Þegar glóandi hraun renna, kólna þau hratt svo skorpa myndast. Hraunið rennur enn undir skorpunni svo myndast getur grófur massi af brotnu bergi. Stundum geta hluta hraunsins, sem eru þykkari, virkað eins og flekar sem fljóta með straumnum.

Þessi mynd sýnir ævafornt hraun í Cerberus Planitia og má sjá slíkar myndanir í því. Einangraðir flekar standa upp úr í storknuðu hrauninu. Grófu svæðin sýna hvar streymið var hraðast og hefur sumstaðar hlaðast upp og myndað stóru v-laga landslagsformin sem við sjáum hér.

Þýðing: Sævar Helgi Bragason