Á þessari mynd sést það sem við köllum „hörpuskeljalandslag“ en hér virðist það renna saman í línulegri dæld.

Hvernig urðu þessar myndanir til? Hugsanlega við hrun í landslaginu þegar ís undir yfirborðinu þurrgufaði (fór beint úr föstu formi í gasfasa). Einnig er fjöldi steina á yfirborðinu.

Upplausn HiRISE getur hjálpað okkur að kanna yfirborðið með mun meiri nákvæmni svo við getum séð hvort einhver munur sé á sléttunum í kring og botni þessara skeljalaga dælda.

Þýðing: Sævar Helgi Bragason