Þessi mynd var tekin til að leita að giljadragavirkni á norðurhvelinu. Hingað til hafa breytingar á giljadrögum aðeins sést á suðurhvelinu, þar sem þykkara koldíoxíðhrím myndast á veturna.

Giljadrögin eru virk þegar hrímið er til staðar, sér í lagi síðla vetrar og á vorin þegar það þurrgufar. Í gígnum sem hér sést er ljósleitt set í giljadraginu en það bendir til nýlegrar virkni. Samanburður á tveimur myndum af sama svæði (í minni upplausn) sýnir hvernig útlitið breytist árstíðabundið.

Þýðing: Sævar Helgi Bragason