Þessi mynd var tekin þegar MRO geimfarið velti sér og stefndi í austurátt nálægt breiddargráðu Mars Science Laboratory, þannig að sólin, geimfarið og MSL Curiosity jeppinn á yfirborðinu voru því sem næst í línu.

Frá slíku sjónarhorni eru engir skuggar sýnilegir en hárfínar litabreytingar á yfirborðinu koma betur í ljós. Þegar litirnir hafa verið ýktir sjáum við svæðið í kringum lendingarstaðinn og Yellowknife flóa. Jeppinn er bjarti bletturinn neðarlega til hægri. Hjölför jeppans eru augljós á myndinni og liggja í vestur í átt að lendingarstaðnum en þar eru líka tveir bjartir, bláir blettir sem vísa á staðina þar sem lendingarflaugar MSL feyktu burt ryki.

Jeppinn ekur nú í suður í átt að fjallinu í miðju Gale gígsins sem kallast Aeolis Mons en er oftast „Sharpfjall“.

Þýðing: Sævar Helgi Bragason