Hér sést stallgígur á 43 breiddargráðu norður. Sepótta svæðið í kringum hringlaga gíginn er markar efnið sem kastaðist upp úr gígnum við áreksturinn. Svæðið rís nú upp fyrir sléttuna í kring og myndar stapa eða hásléttu með gíginn í miðjunni.

Allt bendir þetta til þess að eitt sinn hafi yfirborð alls svæðisins verið í þessari hæð. Útkastsefnið frá gígnum þakti svæði nærri gígnum og varði það á meðan svæðið í kring eyddist hægt og bítandi svo gígurinn stóð eftir hærra uppi. Efnið gæti hafa fjarlægst vegna þess að það var laust í sér og/eða límt saman af ís.

Stallgígar eru sérstaklega áhugverðir því enn gæti einhver ís verið til staðar í stapanum, varinn af útkastsefninu.

Þýðing: Sævar Helgi Bragason