Þessi mynd er hluti af þrívíddarmynd sem gerir manni kleift að skoða veggi vatnssorfins árfarvegs í þrívídd. Með því að rannsaka veggina í smáatriðum vonumst við til að skilja ferlin sem surfu árfarveginn.

Á þessum stað er, sem dæmi, röð af þrepum hátt upp á barm farvegsins. Með því að skoða landslagið ættum við að geta sagt til um hvort (1) veggirnir urðu til úr seti sem sat þarna eftir, (2) vatnsborðið fór stigminnkandi og olli þar af leiðandi meira rofi á tilteknum stigum eða (3) hvort veggir farvegsins féllu inn á við í röð skriða.

Þýðing: Sævar Helgi Bragason