Þessi mynd er af vindrákasvæði norðvestur af Uranius Tholus sem fylgst er náið með. Mikill munur er á þessari mynd og eldri myndum af sama svæði og vísbendingar um tvö ólík vindveðrunarferli á Mars.

Þessi staður er í tiltölulega hóflegri hæð (1.800 metra yfir meðalhæð yfirborðsins) við norðurenda Tharsis bungunnar, á svæði sem hefur hátt endurvarp og lága varmatregðu en það bendir til þess að þarna sé þykkt ryklag. Fyrri nærmyndin sýnir hluta af þeim breytingum sem orðið hafa á staðnum frá því að síðast var tekin mynd af honum í janúar 2009 (ESP_011465_2075). Ljósleitt ryk hefur fokið burt af yfirborðinu í sterkri sunnanátt (vindáttin er niður og til hægri á þessum óvörpuðu myndum). Ljósar slóðir stefna undan vindi frá árekstragígnum og njóta skjóls af gígbörmunum. Skarpar, dökkar rákir röðuðust upp með vindi þegar rykið fauk burt. Út frá stefnu þeirra má sjá að minnsta kosti tvenns konar veðrunarstig vegna mismunandi vindátta. Fáeinir gáróttir skaflar á dalbotninum benda svo til enn annarrar vindáttar. Miklu eldri vindar mótuðu þessi fyrirbæri en þeir stjórnuðust án efa af landslaginu.

Á seinni nærmyndinni sést síðara veðrunarferli, slóðir eftir sandstróka um landslagið (rétt sunnan við fyrri nærmyndina). Það sem gerir þessar slóðir áhugaverðar er ljósi liturinn! Á Mars eru slóðir sandstróka í flestum tilvikum dökkar og myndast þegar hvirfilvindur feykir upp ljósu ryki af yfirborðinu og leiðir í ljósi dekkra efni undir. Þessar slóðir sáust hvorki á fyrri HiRISE myndinni né mynd (PSP_002222_2075) acquired in January, 2007. The cause of the bright tracks is unclear. ) sem tekin var í janúar 2007. Ástæða ljósu slóðanna liggur ekki fyrir.

Mars Orbiter Camera sá einnig ljósleitar slóðir eftir sandstróka í suðurhluta Schiaparelli gígsins, svæði sem einnig var útatað í vindrákum á sínum tíma. Ein leið til að mynda ljósar slóðir er að sandstrókur feykir burt nógu miklu dökku efni (eins og lagi af basaltsandi) ofan af ljósára undirlagi. Annar möguleiki er sá að sandstrókar þyrli upp ljósu ryki sem voru í skjóli í landslaginu frá ríkjandi vindum.

Þýðing: Sævar Helgi Bragason